Kryeministri Edi Rama ishte sot në Fushë-Krujë ku vizitoi nga afër ambientet e një pike grumbullimi të fruta-perimeve biznes që ka përfituar nga programi i AZHBR-së.
Teksa inspektoi nga afër investimet, Rama nuk i kurseu as batutat me punonjësit, por dhe me pronarin e kësaj sipërmarrje.
Kreu i qeverisë i pyeti punonjëset nëse pronari i paguante mirë, ndërsa ato iu përgjigjën se ishin të kënaqura.
Biseda mes tyre:
Rama i drejtohet punonjësve: Ju paguan mirë ky mo?
Punonjëset: Po shumë mirë.
Biznesmeni: 350 mijë lekë.
Rama: Duhet t’ua rrisësh pak se po të shtohet puna.
Biznesmeni: Patjetër që po. Ju faleminderit juve për ndihmën.
Rama: Shyqyr që po shtohen ata që jo vetëm mund të punosh në Shqipëri, por kur ke vullnet dhe pasion, këtu bën çudira. Këtu jetohet më mirë, se atje ça do bësh ti?! (Jashtë). Të uroj shëndet, ule pak këtë (I bie me dorë tek barku me shaka)
