Keta jane bota e krimit, keta jane gjakpiresit e popullit, keta jane e keqia e Shqiperis, keta jane ata qe duhet te shkojn ne burge.Po keta jane mjerimi i shqiptareve.
Gjin Musa
Siç dihet, çdo vit deputetët bëjnë deklaratat e tyre të pasurisë. Edhe pse jemi një vend i vogël, pasanikët nuk na mungojnë dhe deputetët tanë dinë më së miri të tregojnë luksin e tyre.
Kështu, hapur.al ka bërë një renditje të disa prej deputetëve shqiptarë, të cilat kanë makina për t’u pasur zili si dhe një listë të çmimit të automjeteve të tyre.
Sipas atyre çfarë deklarojnë, makinën më të shtrenjtë e ka deputeti i LSI, Agron Çela i cili vjen nga bota e biznesit. Shifra e makinës që ai ka deklaruar, është 147 mijë euro. Bëhet fjalë për një BMW tip i fundit, siç mund ta shikoni edhe në këtë foto.
I dyti është Sadri Abazi, deputet i Partisë Socialiste. Ai deklaron automjet me vlerë 105 mijë euro.
Një surprizë e vërtetë ka qenë makina e deputetit demokrat Nard Ndoka. Ai në deklaratën e pasurisë të vitit 2016, pohon se ka blerë një makinë 85 mijë euro. Makina e tij, një Mercedes S Class është një nga makinat më të pëlqyera të deputetëve tanë.
Një makinë të tillë ka edhe Lefter Koka, deputet i LSI, si dhe deputeti i Partisë Demokratike Halim Kosova.
Po këtë markë pëlqen edhe Kryeministri Edi Rama pasi herë pas here e përdor një të tillë, me targa private si dhe Fatmir Mehdiu e Edi Paloka.
Por edhe ish Kryeministri Sali Berisha përdor Mercedes, por jo tip i fundit.
Deputeti socialist Anastas Angjeli, ka deklaruar se ka blerë makinë 41 mijë euro. Nga fotoja shihet se bëhet fjalë për një Audi tip i fundit, markë e cila në bazë të opsioneve, shkon mbi 100 mijë euro.
Audi po kaq luksoz mban edhe Ministri i Energjitikës Damian Gjiknuri.
Taulant Balla ka deklaruar që gjatë vitit 2016, bashkëshortja e tij ka blerë makinë rreth 8 mijë euro. Ndërkohë ai vijon të mbajë një fuori stradë Land Cruiser mjaft luksoze.
Ndërkohë fuori stradë përdorin edhe Monika Kryemadhi, Shezai Rrokaj e Petrit Vasili të LSI.
Ministri i Brendshëm Fatmir Xhafa dhe deputetët socialistë Bashkim Fino e Fidel Ylli
Por edhe Albana Vokshi e Jorida Tabaku. Bëhet fjalë për makina shumë të shtrenjta, që nga kërkimet në google, çmimet shkojnë mbi 80-90 mijë euro, nëse blihen të reja.
