Gazetari Sokol Balla ka reaguar pas deklaratës së presidentit Ilir Meta i cili përmendi nënën e fëmijëve të tij. Gjatë fjalës së tij, Meta ‘thumboi’ edhe gazetarin e njohur Sokol Balla, pas pyetjes së gazetarit nga stafi i Ballës. Ky i fundit e pyeti nëse po bëhen qesharakë dhe se po mbrojnë interesat e tyre, dhe se nuk po mendojnë për ata që duan të rrisin fëmijët e tyre në Shqipëri.
Ndërsa Meta tha se edhe Balla ia ka bërë këtë pyetje: “Kol Balla e di që e ka merak të madh se unë kam konflikt interesi se nëna e fëmijëve të mi është në opozitë. Por të gjithë e dini se Koli nuk ka interes pavarësisht se nëna e fëmijëve të tij punon në qeveri. Reforma në drejtësi e Edi Ramës ka fytyrën e skandalit të Unazës së Re.
Me qindra hallexhinj dhe njerëz janë atje. Kur të dëshirojë ai, tek Sokol Balla të marrë edhe miqtë e tij europianë dhe ta kuptojmë si ishte reforma dhe ramaforma”, tha Meta.
Me anë të një shënimi në Instragram Balla i është përgjigjur ashpër presidentit, duke u shprehur se e ka k.ërcënuar atë dhe fëmijët e tij, ndërsa e sfidon duke i kërkuar të përballen në emision të enjten duke filluar nga ora 5 e mëngjesit.
“Me Ilir Meten ne Kremlin ne 2002, kur ishte zevendeskryeminister? Sot Presidenti @ilirmeta.faqjazyrtare me sulmoi e kercenoi mua dhe femijet e mi. Por dhe me sfidoi per te ardhur ne emision dhe te perballej me te verteten sipas tij dhe te verteten sipas meje. Ilir!
Te pres te enjten ne ora 21 ne #realstory ne @vizionplus. Balle per Balle. Gjithsesi oren zgjidhe vete. Qofte dhe ne 5 te mengjesit”, shkruan Balla, teksa poston dhe një foto me Presidentin.
