Presidenti turk Rexhep Tajip Erdogan ka njoftuar se vendi i tij dëshiron të rrisë prodhimin e arit në 100 tonë në vit brenda pesë viteve. Ai tha se Turqia vendosi një rekord në historinë e republikës në prodhimin e arit vitin e kaluar. Ai vuri në dukje se prodhimi turk i arit arriti 42 tonë, që do të thotë 2.4 miliardë dollarë në ekonominë e vendit.
Turqia së fundmi zbuloi një depozitë të madhe ari në qytetin Sogut në Anadollin veriperëndimor. Ari u zbulua nga Fahretin Pojraz, i cili drejton kooperativat e kreditit bujqësor të Turqisë dhe është pronari i ndërmarrjes së prodhimit të plehrave “Gubretas”, njoftoi media turke.
“Po flasim për arin me vlerë gati gjashtë miliardë dollarë. Brenda dy viteve, ne do të nxjerrim arin e parë, i cili do të ndikojë ndjeshëm në ekonominë turke”. tha Pojraz, raportojnë mediat turke.
Pas lajmit, aksionet e ndërmarrjes që ai zotëron u rritën dhjetë përqind.
Zbulimi i arit po entuziazmon seriozisht Turqinë, pasi studimet e fundit vlerësojnë se ajo është një pjesë e vogël e rezervave të fshehura të arit.
Depozita e arit ndodhet afër vendit ku u varros Ertugrul, babai i themeluesit të Perandorisë Osmane, Osmani I.
