Kolegji i Posaçëm i Apelimit ka vulosur shkarkimin nga detyra të Fatmir Hajdarit. Kjo e fundit për shumë vite shërbeu si gjyqtare Apeli, por KPK e shkarkoi. Hajdari ankimoi vendimin në KPA, por sot ky institucion ka lënë në fuqi vendimin e shkallës së parë.
Fatmira Hajdari u shkarkua nga drejtësia në qershor të vitit 2020, pasi kishte krijuar një pasuri me vlerë 1 milion USD me para të pista, përfshirë edhe ndërtimin e një pallati në mënyrë të paligjshme, si dhe kishte fshehur bllokimin e vizës amerikane si e korruptuar nga Ambasada në Tiranë.
Gjatë procesit në shkallën e parë, vëzhguesit ndërkombëtarë u habitën për mënyrat e pasurimit të Fatmira Hajdarit, me para të pista dhe duke përvetësuar prona publike.
Megjithatë, Fatmira Hajdari, tre muaj pasi u shkarkua nga Komisioni i Vetingut të shkallës së parë, kërkoi në Kolegjin e Posaçëm të Apelimit rrëzimin e vendimit të shkarkimit dhe rikthimin në detyrë. Por duket se ish-gjyqtarja nuk rrëzoi asnjë prej konkluzioneve të KPK. Ndërkohë ajo është ndër të shumtët njerëz që ka hyrë në listën e zezë të amerikanëve. Asaj i është bllokuar viza shumë vite më parë.
“Shqyrtimi i aplikimit për vizë të SHBA-ve shoqërohet me verifikim të besueshëm dhe profesionale të aplikantit. Marrja e vizës së SHBA kuptohet si standard për pastërtinë e figurës ku aplikanti i nënshtrohet një procedura të imtësishme dhe të besueshme Vettingu.
Ndërkohë që refuzimi/revokimi i vizës mund të bëhet për disa arsye, sjellim në vëmendje se Ambasada e SHBA-së ka deklaruar se do të përdorë të gjitha mjetet ligjore që në dispozicion për refuzimin/revokimin e vizave të gjyqtarëve dhe prokurorëve të korruptuar. Kjo praktikë është ndjekur nga SHBA për promovimin e luftës kundër korrupsionit, anembanë botës. Revokimi i vizës përkon në periudhë me deklaratën e Ambasadës së SHBA-së”, konstatonte DSIK.
Por duket se tani topi ka kaluar te SPAK dhe prokurorët e tjerë. Na raportin e Komisionit Europian për Shqipërinë theksohej se duhet të hetohen të gjithë ata që kanë vendim të formës së prerë shkarkimi. Për Fatmir Hajdarin faktet janë sheshit, vetëm vullneti i drejtësisë mungon.
