Ministri i Jashtëm në detyrë Gent Cakaj është takuar me Ministrin e Jashtëm të Holandës, Stef Blok. Në një postim të Ministrit Cakaj thuhet se Holanda duhet të vazhdojnë bashkëpunimin dypalësh duke u ndalur edhe tek negociatat me BE.
“Shqipëria dhe Holanda duhet të vazhdojnë bashkëpunimin dypalësh veçanërisht në fushën e intelegjencës kriminale, gjyqësorit dhe policisë për të adresuar çështjet e interesit të ndërsjelltë.
Angazhimi në procesin e integrimit evropian duhet të jetë po ashtu pjesë qëndrore dhe e patjetërsueshme e marrëdhënieve midis dy vendeve.
Komunikimi ynë do të bëhet edhe më intensiv veçanërisht në dritën e objektivit madhorë të Shqipërisë për hapjen e negociatave për anëtarësim në BE.
Raporti i Komisionit Evropian është evidenca e pamohueshme që progresi i Shqipërisë në pesë prioritet kyçe është substancial dhe që Shqipëria meriton hapjen e pakushtëzuar të negociatave për anëtarësim në BE menjëherë “- shkruan Cakaj.