Ndeshjet e pesta në grupet e Champions League kanë dhuruar emocione dhe gola pafund.
Juventus është përshëndetur me Champions League që në fazën e grupeve pas humbjes 4-3 ndaj Benficës në Portugali. Kjo disfatë bën që ekipi i Maximilliano Allegrit të ketë vetëm 3 pikë, ndërsa vendet e para një xhiro para fundit kanë grumbulluar nga 11 pikë (Grupi H).
Andre Silva befasoi “Zonjën e Vjetër” pas vetëm 17 minutash lojë, ndërsa Vlahovic nuk vonoi shumë për të vendosur ekuilibrat. Ish-interisti Joao Mario tregohet gjakftohtë nga pika e bardhë në minutën e 28-të, ndërsa në të 35-tën dhe të 50-tën Rafa Silva i jep goditjen e rëndë miqve torinez me dopietën e tij. Milik dhe McKennie çuan shifrat në 4-3 (77’, 80’), gola ngushëllimi dhe për statistikë, pasi në fund të fundit skuadra italiane u desh të dilte me kokën ulur nga stadiumi.
Ashtu siç pritej, PSG ka triumfuar me goleadë ndaj Maccabi Haifa (7-2).
Në Grupin E, Milan ka marrë një fitore shpresë ndaj Dinamos së Zagrebit në Kroaci me shifrat 0-4. Pjesa e parë u mbyll në avantazh për kuqezinjtë, që gjejnë golin në minutë ne 39-të me Gabbian i cili realizoi me kokë pas një krosimi të Tonalit nga goditja e dënimit. Kampionët e Italisë e kthyen sfidën në goleadë pas rrjetave të Leao dhe Giroud, sapo filloi pjesa e dytë. Ljubicic bën gjithçka gabim pak më vonë, me një autogol.Ekipi i Piolit është në vendin e dytë me 7 pikë, 1 më shumë se Salzburg që ka 6 pikë.
Humbje që nuk dhemb për Real Madridin kryesues, 3-2 ndaj Leipzig, në grupin F.Vendasit gjerman tregojnë se në tokën e tyre do kërkojnë pikë, pasi shënojnë 2 herë brenda 20 minutash ndaj kampionëve në fuqi. Gvardiol dhe Nkunku ndëshkojnë madrilenët, ndërsa Vinicius Junior ngushtoi shifrat. 3 pikët e ekipit të Rose u vendosën nga sulmuesi Timo Werner (81’). Los Blancos mbyllin ndeshjen me një gol me penallti të Rodrygos.
U6
