Ortaku i beznesmenit Vasil Bedinaj ka folur ekskluzivisht në Top Story për pronën në Palasë, për të cilën Bedinaj u përplas me biznesmenin tjetër Luan Muça.
Ortaku Kastriot Hasko u shpreh se e ai është traashëgimtar i kësaj prone, pasi tregoi se e ëma e tij e ka regjistuar këtë tokë në vitin ’96 në hipotekë.
“Jam Kastriot Hasko, historinë e kësaj prone e ka bërë e ndjera mamaja ime, nga Vunoi. Prona është trashëgimi dhe dokumentet mami im i ka bërë që në ’95 dhe në ’96 është regjistruar në hipotekë, po kemi vërtetim pronësie. Mund t’ua paraqes edhe dokumentet me avokaten. Unë jam trashëgimtar.
Bëhet fjalë për 37 hektarë, jam përfaqësues i të gjithë trashëgimtarëve, kam kontratë me Reginën, atë e gjeta biznesmen, kam bërë edhe kallëzime. Prona do vejë te i zoti. Le të shkojë jo në SPAK, po ku të dojë, dokumentacionet unë i kam të rregullta. Unë di të them që mua deri tani nuk më ka kërcënuar njeri. Unë nuk jam thirrur në SPAK dhe po të thirrem, do marr dokumentacionin. Atë pronën nuk e gëzon njeri, e kam regjistruar në hipotekë.
E kam regjistruar në ’96, mamaja ime. Është amaneti i nënës time, do ta çoj deri në fund. Për çfarë do ta shpronësoj. Le ta shpronësojë dhe të bëjë detyrën e vet dhe secili të marrë lekët e veta. Le ta shpronësojë nuk kam kundërshtim. Unë jam trashëgimtar dhe do ta gëzoj atë që kam. Jam i kënaq, pesë lekë pesë lekë… ”, u shpreh Hasko.
