Ditën e sotme Kuvendi zhvilloi një seancë të jashtëzakonshme për projekt-rezolutën e Gjykatës Kushtetuese. Mirëpo përpos debateve të nxehta vëmendjen e të gjithëve e tërhoqi edhe veshja e deputetes së re, Elda Hoti. Ajo u shfaq në foltoren e Kuvendit me një fustan nën gju, por me shpatullën jashtë, gjë e cila nuk lejohet nga kodi i etikës.
Sipas kodit të etikës, në nenin 8 të Kodit të Etikës, i miratuar nga Parlamenti, theksohet se për paraqitjen e deputetit në veprimtaritë parlamentare parashikon që të kenë një veshje zyrtare, që nuk tërheq vëmendjen e publikut dhe nuk bëhet objekt për diskutim.
“Deputeti paraqitet me veshje zyrtare në përshtatje me funksionin që kryen. Për qëllim të këtij neni, veshja e deputetit duhet të përmbushë standardet e profesionalizmit dhe të modestisë, pa u bërë shkak debati dhe tërheqje vëmendjeje nga publiku”, shkruhet në nenin nr.8.