Ky mëngjes ka nisur me protesta, teksa gratë e opozitës së rrugës duke manipuluar banorët e Astirit kanë rrethuar me pankarta në duar një hotel në Tiranë, kundër ambasadorit të OSBE në Tiranë Bernd Borchardt.
Banorët e kanë pritur teksa ambasadori ishte duke u futur në ambientet e brendshme të hoteli, ku do mbahet një konferencë.
“Borchardt, shame on you”, kanë qenë disa nga pankartat dhe thirrjet e përdorura nga ana e protestuesve.
Kjo protestë vjen vetëm disa ditë pasi Borchard bëri gjestin e turpshëm duke u treguar gishtin e mesit protestuesve të Astirit. Një ditë më pas ambasadori kërkoi ndjesë publike, por duket se banorët nuk mjaftohen me kaq dhe kërkojnë largimin e tij.