Një tërmet i tmerrshëm që tronditi vendin tonë mëngjesin e 26 nëntorit, ku mbetën 49 viktima dhe 900 të plagosur, ende vazhdon operacioni i kërkim-shpëtimit në qytetin bregdetar.
Poshtë gërmadhave të ndërtesës së shkatërruar plotësisht, konkretisht, në hotelin e shembur ‘’Miramare’’ qeni i forcave të huaja të shpëtimit nuhati diçka të pazakontë.
Punonjësit e emergjencës dyshojnë se poshtë rrënojave ndodhet një trup i pajetë, por asgjë nuk është konfirmuar zyrtarisht deri tani. Hoteli në fjalë është vendi i fundit ku po bëhen kërkime.
Bilanci i viktimave ka shkuar në 49 veta, dhe 900 është numri i të lënduarve nga tërmeti që kanë marrë trajtim në spitalet publike të Tiranës dhe të Durrësit.
