Numri i të vdekurve nga tërmetet Turqi-Siri ka kaluar mbi 42 mijë persona. Autoritetet turke thonë se 36,187 njerëz janë vrarë në vend. Qeveria siriane dhe Kombet e Bashkuara thonë se më shumë se 5800 njerëz kanë vdekur në Siri.
Një nënë dhe dy fëmijët e saj janë shpëtuar në qytetin turk Antakya më shumë se 228 orë pas tërmeteve që shkatërruan Turqinë juglindore dhe Sirinë veriperëndimore. Ela dhe dy fëmijët e saj, Meysam dhe Ali, u nxorrën nga rrënojat e bllokut të tyre të apartamenteve. Të mërkurën, një grua 74-vjeçare dhe një grua 46-vjeçare u shpëtuan në qytetin turk Kahramanmaras, afër epiqendrës së tërmetit.
Ndërkohë vullnetarët në Gaziantep të Turqisë po ndërhyjnë për të ndihmuar në përpjekjet për lehtësimin e pasojave të tërmetit, duke përfshirë operacionet e kërkimit dhe shpëtimit, shpërndarjen e ushqimit dhe ngritjen e strehimoreve të përkohshme për të mbijetuarit. Ndërkohë, shume shtete kanë vijuar ndihmën për Turqinë madje edhe personazhe publikë.
Talebanët nga ana tjetër kanë preferuar të japin ndihmën e tyre financiare në para ‘cash’ për të prekurit nga tërmetet e fuqishme të 6 shkurtit. Sipas mediave turke, Matiul Haq Halis, kryetar i Gjysmëhënës së Kuqe afgane, i ka dorëzuar ambasadorit të Turqisë në Afganistan, Cihad Erginay, rreth 50 mijë dollarë të futura në një qese plastike, ndërsa përcolli ngushëllimet e tij për popullin turk.
Këngatarja turke organizoi një fushatë të madhe ndihme në Holandë dhe mblodhi 88 milionë eurove në natën e ndihmës. Edhe Seren Ay Cetin, një boksiere turke që fitoi titullin e Këshillit Botëror të Boksit (ËBC) në vitin 2022, po nxjerr në ankand rripin e kampiones për të ndihmuar viktimat e tërmetit në Turqi.
Kryqi i Kuq ka trefishuar kërkesën për ndihmë ndaj të prekurve nga tërmeti tragjik në Turqi dhe Siri. Apeli për financim emergjent shkon deri në 700 milionë dollarë. Edhe Organizata e Kombeve të Bashkuar ka nisur një apel për të mbledhur 1 miliard dollarë për viktimat e tërmetit në Turqi, por edhe në ndihmë të të prekurve nga tërmeti, i cili ka lënë mbi 42 mijë të vdekur. Seren Ay Cetin, një boksiere turke që fitoi titullin e Këshillit Botëror të Boksit (ËBC) në vitin 2022, po nxjerr në ankand rripin e kampiones për të ndihmuar viktimat e tërmetit në Turqi.
Ndërkohë kanë ndodhur edhe arrestime pasi disa njerëz kanë përfituar nga tragjedia. Një shofer kamioni në Turqi është arrestuar në flarancë teksa tentonte të shiste në tregje të ndryshme të vendit materialet e ndihmave të mbledhura për të prekurit nga tërmetet e fuqishme të 6 shkurtit në Juglindje të Turqisë.