Kryeministri i vendit, Edi Rama, mbajti ditën e sotme një takimi në shkollën “Leonik Tomeo” në Durrës, ku ishte e pranishme edhe ministrja Besa Shahini, ku deklaroi se gjatë orëve të mësimit është e rëndësishme mbajtja e maskave. Rama pranoi se me hapjen e shkollave do të rritet edhe numri i të infektuarve.
“Një shkollë e tërë mund të mbyllet nëse kthehet në një vatër…Besoj se është bërë një punë shumë e mirë nga ana e mësuesve që kanali i shkollës të jetë një burim shumë i mirë informacioni. Duhet të bëni kujdes jashtë shkollës.
Duhen refuzuar opinionet që ky është një grip i rëndomtë, që është një sajesë..Faktkisht çdo ditë njerëzit po ndahen nga jeta. Fatmirësisht numri i fataliteteve nuk është në tërësinë e vet, më i madh në mënyrë të ndjeshme, saç ka qenë vitin e shkuar…”, u shpreh kryeministri.
Gjatë bisedës Rama tregon se ditën e djeshme ka humbur jetën nga covid-19 një person që e njihte personalisht. Rama thotë se në moshë të re humbi jetën vëllai i mikut të tij.
“Jo më larg se dje dëgjova për një person qe kam njohur personalisht, vëllai i shokut tim humbi jetën dhe nuk ishte në moshë të madhe, ishte i ri.
Askush nuk e përcakton dot deri në fund se si dhe pse virusi bën gjëmën tek dikush edhe shfaqet në mënyrë të padukshme dhe kalon pa u ndjerë fare të dikush tjetër.
Problemi është se shumë nga ne e marrim dhe se marrim vesh që e kemi, madje edhe s’ndjejmë asgjë, ndaj duhet të sillemi sikur e kemi sepse ua kalojmë familjarëve, miqve e shokëve”, shprehet Rama.
