Kapiteni i Portugalisë, Cristiano Ronaldo, tërhoqi vëmendjen e tifozëve gjatë ndeshjes së parë të kombëtares së tij në Kupën e Botës 2026 ndaj Republikës Demokratike të Kongos, jo vetëm për paraqitjen në fushë, por edhe për një detaj të veçantë në fanellën e tij.
Ndryshe nga bashkëlojtarët, sulmuesi portugez mbante në mëngën e djathtë një stemë speciale me mbishkrimin “Legacy”, të vendosur poshtë logos zyrtare të Kupës së Botës.
Ky simbol është prezantuar nga FIFA si një nderim për futbollistët që kanë marrë pjesë në pesë ose më shumë edicione të Kupës së Botës. Ronaldo është një nga emrat e rrallë që gëzon këtë privilegj, falë karrierës së tij të jashtëzakonshme në arenën ndërkombëtare.
Në Botërorin e vitit 2026, vetëm disa legjenda të futbollit botëror kanë të drejtën ta mbajnë stemën “Legacy”. Mes tyre janë edhe Lionel Messi dhe Luka Modric, të cilët, ashtu si Ronaldo, kanë lënë gjurmë të pashlyeshme në historinë e futbollit gjatë dy dekadave të fundit.
Ronaldo dhe Messi debutuan në Kupën e Botës në vitin 2006 dhe tashmë po marrin pjesë në Botërorin e tyre të gjashtë, duke vendosur një tjetër rekord të rëndësishëm në karrierat e tyre. Në këtë grup elitar bën pjesë edhe kapiteni kroat Luka Modric.
Ndërkohë, portieri meksikan Guillermo Ochoa, megjithëse ka qenë pjesë e gjashtë edicioneve të Kupës së Botës, nuk e mban stemën “Legacy”, pasi ka luajtur vetëm në tre prej tyre. Të njëjtin vlerësim e kanë përfituar edhe Manuel Neuer dhe Yuto Nagatomo, falë paraqitjeve të shumta në skenën më prestigjioze të futbollit.
Mes futbollistëve që përfitojnë nga ky vlerësim janë James Rodriguez, Harry Kane dhe Kylian Mbappe. Nga ana tjetër, lojtarët që po marrin pjesë për herë të parë në një Kupë Bote mbajnë stemën “Debut”, një simbol që shënon debutimin e tyre në turneun më të rëndësishëm të futbollit botëror.
