Muli u bë xheloz sot për Fatmir Mediun.
Ai dëgjoi që kishte blerë parfumin “Trump” 250 dollarë dhe ua tregonte të gjithëve që është parfumi më i mirë që mbajnë politikanët sot në botë.
Madje kishte marrë dhe porositë e para nga shumica e grupit që t’ua blinte lirë në SHBA.
Spinach Recalled After Testing Positive for Listeria
Keep Watching
— Me këtë parfum do të shkoj dhe në sallën e gjyqit, i tha Mulit.
Po ja mbajti gjyqtares, le të dënojë dhe Trumpin bashkë me mua.
Do t’i quhet që e ka me SHBA.
Këtu Mulit iu ndez drita për një ide të re.
— Po të prodhojmë parfum “Berisha”, i tha Lelos?
Merre me mend, do ta blejnë gjithë demokratët.
E shesim tek dyqani i Karminës në Bllok. Me
këtë rast sfidojmë dhe ata që na thonë: “Keni elektorat fshatar, nuk hidhni kurrë parfum.”
— E bëjmë, tha Lelo, por puna është se tani kemi humbur thellë dhe shumica e demokratëve nuk duan të bien në sy.
Shumicën e tyre nuk i njohin nga fytyra, por po të prodhojmë parfumin, pastaj do t’i njohin nga era.
Do thonë: “Ky vjen erë Berishë.”
— Ky është problem i vërtetw, tha Muli, por mund ta zgjidhim me prodhime disa variante që të mos jetë një aromë.
— Dhe ashtu është problem, tha Lelo, se do thonë:
“Ky është ‘Berishë i egër’, ky është ‘Berishë i butë’.”
Madje mund të thonë: “Ky vjen erë si ‘Berisha pas zgjedhjeve’.”
— Ideja është që po arrestuan Doktorin, ata nuk arrestojnë dot aromën e tij.
Ajo do jetë e lirë dhe për gjithë jetën, tha Muli.
— Kjo po, tha Lelo.
Përveç nesh, Doktori do lërë si trashëgimi dhe aromën e tij.
