Një nënë e pastrehë që ishte e detyruar të flejë në një stacion policor me gjashtë fëmijët e saj ka bërë të ‘ndizet’ rrjeti.
Margaret Cash dhe gjashtë djemtë e saj, të moshës midis një dhe 11 vjeç, duhej të flinin në karriget e stacionit të policsë së Tallaght, Dublin, të mërkurën pasi shërbimet sociale nuk ishin në gjendje të gjenin shtretër për ta.
Margaret, e dëshpëruar, tha se ajo ka qenë e pastrehë për një vit, që kur shtëpia me qira iu mor.
Mamaja lëshoi fotografi të djemve të saj: Johnny, 11vjeç, Tommy 10vjeç, Miley7, Jim 4, Rocky 2 dhe njëvjeçarit Andy, duke fjetur në karrige në dhomën e pritjes së komisariatit për të zbuluar realitetin e ‘krizës së pastrehë’.
Por në një intervistë ekskluzive, Margaret, 28vjeç, zbuloi se si ‘luftëtarët e tastierës’ e kanë bombarduar me mesazhe urrejtëse.
Përdoruesit e internetit kanë ‘përmbytur’ Facebook-un e saj me ofendime dhe kanë shënuar fotot e kohëve të fundit të pijeve të mamasë së shtatë fëmijëve dhe foton me fustan të shtrenjtë për kungimin e vajzës së saj, e cila, ata pretendonin se tregonin ‘gjithçka përveç varfërisë’.
Por Margaret u përgjigj se ata nuk kanë të drejtë ta gjykojnë.
Mamaja, e cila tha se ka qenë në listën e pritjes për banesë për 11 vjet – tha: “Në internet ka të shkruar nga të gjitha llojet.”
“Nuk ju lejohet të keni birra, vetëm sepse jeni të pastrehë?
“Është pak budallallëk. Ishte një kuti me birrë që kushtonte 16 euro.
“Ka shumë njerëz që mendojnë se i dinë të gjitha, nuk më njohin, nuk dinë asgjë për mua.
“Isha ulur në shtëpinë e një shoqeje, duke pirë disa pije. Vetëm bëra një fotografi të një kutie birre, kjo ishte e gjitha.
“Kjo ndodhi javën e kaluar. Shoqja ime e dinte çfarë po kaloja dhe vajza ime ishte në spital.
“Ajo sapo dilte dhe pimë disa birra”.
“Dhe ata që shkruajnë: Ju nuk duhet të pini si kjo, a thua se unë jam një alkooliste.”
“Abuzimi është i turpshëm.”
Komentuesit gjithashtu përdorën fotot e vajzës së saj Rebeça, nëntë vjeç, duke bërë kungimin e saj të shenjtë për të bërë komente të hollësishme rreth shpenzimeve të saj.
Por mamaja e shtatë fëmijëve tha se ajo kishte kursyer për ditën e madhe të vajzës së saj.
Margaret shtoi: “Ata janë duke thënë se ju duhet të keni turp – e di këtë tashmë.
“Kam turp të jem e pastrehë, por çfarë mund të bëj?
“Ata janë duke thënë gjëra të tmerrshme, por ata nuk e dinë se çfarë është.”
Qindra kanë komentuar në faqen e Facebook të Margaret, pak përkrahës por shumë kritikë.
Mesazhe të tjera përfshijnë komente përçmuese për nënën që ka një familje të madhe.
Duke iu përgjigjur komenteve, Margaret e tronditur foli me dashuri për secilin prej fëmijëve të saj.
Mamaja single tha: “[Babai] nuk është përreth. Unë jam vetë me fëmijët.
“Njerëzit mendojnë se fëmijët janë me të vërtetë, me të vërtetë të vështirë, por unë mendoj se ata janë të mrekullueshëm.
“Kjo është ajo që bëj. Kjo është jeta ime. Nëse do kishim një shtëpi do të ishim në rregull.
“Unë e di që ka njerëz në Facebook që thonë: ‘Pse keni kaq shumë fëmijë?’
“Ju nuk planifikoni të keni kaq shumë fëmijë, kjo thjesht ndodh.”