Lulzim Basha, nëpërmjet një deklarate për mediat, hodhi sërish akuza në procesin e numërimit se PD-ja ka fituar bindshëm, por qytetarët këtë rezultat nuk po e shohin ende, pasi janë numëruar vetëm kutitë e bastioneve të Partisë Socialiste.
Kur janë numëruar më shumë se gjysma e kutive të votimit në rang vendi, Basha deklaron se ende s’ka nisur votimi i kutive të opozitës, ndërkohë rezultati i humbjes së thellë mbetet ende i pandryshuar.
E para, në qendrat e numërimit, PD ka komisionerët e saj, sikurse dhe LSI, të cilët fare mirë mund të marrin t’i numërojnë kutitë e tyre, duke qenë se me këtë trend, Basha po i afrohet fundit të tij politik bashkë me vejushën Kryemadhi.
Strategjia e Bashës, i ngjason pak a shumë zgjedhjeve amerikane, ku pasi Donald Trump shpalli fitoren e parakohshme, stafi i kandidatit rival Joe Biden, deklaroi se pritet numërimi i votave me postë të qytetarëve amerikan, ato të cilat bënë edhe ndryshimin e rezultatit përfundimtarë për zgjedhjen e Presidentit të Amerikës. Më pas Trump deklaroi se kundërshtari i kishte vjedhur votat.
Dikush duhet t’ia thotë Bashës, se nuk po pret asnjë votë me postë dhe se nuk ka seleksionim të kutive të votimit në qendrat e numërimit, ku fare mirë janë dhe komisionerët e tij dhe Basha nuk i ngjason as tek maja e thoit Joe Biden. Por ndoshta kreu i PD-së po flet në jerm, e dikush duhet ta pickojë që ta zgjoj nga letargjia e tij.
Kreu në hall i PD-së, po mundohet të japë një mesazh që do të shkoj drejt “refuzimit patetik” të triumfit të Edi Ramës, për manipulim të zgjedhjeve, nga frika se partia që ai drejton nuk do ia japi më mundësinë të “ngrijë”, siç ai bënë pas çdo humbje, por do e “flakërij” nga penxherja për të gjitha disfatat e partisë që ka drejtuar deri tani.
Në rikujtesë të lexuesit, Basha ka humbur 4 palë zgjedhje, duke nisur me Bashkinë e Tiranës në vitin 2015, më pas me zgjedhjet Parlamentare 2017, bojkotimin dhe humbjen e zgjedhjeve vendore të vitit 2019 dhe këto zgjedhje ishin mundësia e fundit e tij që të “shkrij” një herë e mirë statusin e “humbësit të përjetshëm”./Ekskluzive.al
Mëposhtë ndiqni një analizë të shkurtër, se si po tenton të gënjejë Basha opinionin publik me matematikën e tij për “kutitë e PD-së” që pritet të numërohen
Në rang Shqipërie, votat e para janë ato të Pustecit, një bashki që asnjëherë nuk është fituar nga Partia Socialiste; gjithmonë është fituar nga ana e LSI-së, partisë minoritare maqedonase, por edhe PD-së.
Po ashtu u hapën kutitë e Devollit, ku Partia Demokratike ka pasur gjithmonë përparësi dhe këtë radhë është në dizavantazh.
Basha përmend Këlcyrën si bastion të PS-së, por që realisht asnjëherë kjo zonë nuk ka qenë bastion, por ka lëvizur nga të dyja palët, duke qenë se PD ka pasur bashkinë disa herë.
Ndërkaq, meqë Basha përmendi Tiranën, ai theksoi njësinë 10, ku tha se PD ka rikuperuar një bastion të PS.
E pasaktë: Njësia 10 ka qenë shpesh bastion i PD-së, e cila ka drejtuar minibashkinë para vitit 2015, kur krerët e njësive zgjidheshin direkt nga populli.
Duhet kujtuar se nuk është hapur akoma mirë Njësia 5 në Tiranë, që po bllokohet nga numëruesit e PD.
Siç thotë Erjon Braçe, është bllokuar Divjaka, apo dhe Njësia 7 në Tiranë, Njësia 2 etj.
U hap Kavaja bashki mbrëmë, e cila është fituar nga PD në vitin 2017.