Zëdhënësja e OFL-së bëri të ditur sot se pavarësisht pandemisë së koronavirusit vazhdon aksioni për luftimin e kriminalitetit.
Në një deklaratë për mediat zëdhënësja bëri të ditur se Operacioni Forca e Ligjit sekuestroi mbrëmjen e djeshme 1.2 milionë litra naftë dhe një magazinë doganore në Durrës në pronësi të Lulzim Berishës dhe Enver Shoshit.
Pas kësaj deklarate i menjëhershëm ka qenë reagimi i kryeministrit Edi Rama. Teksa postoi në rrjetet sociale videon e deklaratës për mediat, Rama shkruan se OFL ka shpërbërë një skemë kriminale në tregtimin e karburantit për peshkim.
“ OFL SHPËRBËN NJË SKEMË KRIMINALE NË TREGTIMIN E KARBURANTIT PËR PESHKIMIN”, shkruan kryeministri Rama krahas videos.
