Sot kryeministri Edi Rama ka mbledhur Kryesinë se Partisë Socialiste. Burime nga mbledhja e Kryesisë së PS bëjnë me dije se brenda muajit dhjetor mazhoranca socialiste do të paraqesë në Parlament, ndryshimet për gjyqtarët dhe prokurorët, pjesë e të ashtuquajturës “KÇK”.
Në seancën e kaluar parlamentare, kreu i qeverisë tha se duhet reaguar ndaj ndaj prokurorëve dhe gjykatësve që nuk e kanë kaluar vettingun.
“Ka ardhur koha të reagojmë me forcë ndaj prokurorëve dhe gjykatësve që nuk e kanë kaluar vettingun, që e dinë që nuk e kalojnë vettingun dhe që kanë nxjerrë dhe një togfjaësh KÇK. Këtë grup ky parlament duhet ta shpallë në kërkim me çdo mënyrë, duke ushtruar pushtetin e sovranit këtu.”- është shprehur Rama.
Sipas tij, shpallja në kërkim e KÇK-së është objektivi që duhet të ketë në Parlament një orë e më parë.
