Një prej superjahteve më të mëdha dhe më luksoze në botë, A+, ka mbërritur në Portin e Durrësit. Gjatë qëndrimit të tij në Shqipëri, superjahti po furnizohet me karburant nga Kastrati Energy.
Me përmasat e tij mbresëlënëse dhe një profil që e rendit mes jahteve më ekskluzive në botë, A+ ka tërhequr vëmendjen në portin e Durrësit. Vizita e tij sjell gjithashtu një nga operacionet më të mëdha të furnizimit me karburant të realizuara për një mjet të këtij lloji në vend.
Në Durrës, A+ ka mbërritur së bashku me anijen mbështetëse M2, ndërsa të dyja mjetet pritet të furnizohen me rreth 700 mijë litra karburant. Bëhet fjalë për një volum të konsiderueshëm dhe një proces që kërkon organizim të posaçëm dhe standarde të larta sigurie.
Kastrati Energy është angazhuar në furnizimin e tyre gjatë qëndrimit në Shqipëri. Nuk është hera e parë që kompania merr pjesë në operacione të tilla për mjete të mëdha detare që vizitojnë portet shqiptare.
Prania e një superjahti të përmasave të A+ në Durrës është, në vetvete, një moment i veçantë për portin dhe qytetin, ndërsa furnizimi i tij dhe i anijes mbështetëse M2 përbën një operacion me përmasa të konsiderueshme.
