Deputeti demokrat Halit Valteri, gjatë fjalës së tij, replikoi nga foltorja e Kuvendit me deklaratat e fundit të Presidentit Ilir Meta gjatë konferencës për shtyp të gazetarëve. Valteri kritikojë ashpër sjelljet e presidentit Meta me Kushtetutën, të cilën herë e interpreton dhe e trajton si të shqiptarëve, e herë si të familjes së tij për qëllime personale. Ilir Meta gjatë konferencës së fundit, kërkoi mes të tjerash tre zgjedhje në tetor: të përgjithshme, lokale dhe për Presidentin.
“Nuk çuditem me Presidentin, që kthen ligje, pasi nuk është fort mirë këto kohët e fundit. Konferenca e fundit e Presidentit ishte shfaqje e shëmtuar.
Ishte shumë i mërzitur dhe armatosur me mllef, sulmoi cilindo që i dilte përpara me mendjen e trazuar nga ëndrrat, se është keq të bësh b.urg në këtë moshë, është problem i madh. Presidenti harroi edhe rolin që kishte, përfaqësuesi i unitetit kombëtar dhe jo i LSI-së.
Ai shpalosi problemet që ka te partia në Bllok, nuk e di se cfarë vendi të botës, tek kjo që aspirojmë ne dhe jo ajo që aspiron Iliri, shqiptarëve u serviret gruaja e Presidentit si drejtuese partie dhe vajza e vogël, zonjë e parë e shtetit, që akoma nuk ka hequr bebelinën”, tha ai.
Kryetari i Kuvendit, Gramoz Ruçi ndërhyri duke i kërkuar që të tërheqë ofendimet që lëshoi në drejtim të Presidentit dhe familjes së tij. “Zoti Valteri është e padrejtë dhe kundër etikës ta ofendosh Presidentin dhe familjen e fëmijët e tij, prandaj kërkoj ti tërheqësh ato që the për atë” i kërkoi Ruçi.
