Hashim Thaçin, Kadri Veselin, Jakup Krasniqin dhe Rexhep Selimin, Kosova i shpalli të pafajshëm. Nga sheshi Skënderbeu në Prishtinë, dhjetëra mijëra qytetarë iu bashkuan “Marshit të Lirisë” për ish-krerët e Ushtrisë Çlirimtare të Kosovës. Thirrja e vetme e përsëritur të shtunën ishte “Liri për çlirimtarët”, derisa Kosova po numëron ditët në pritje të aktgjykimit të Dhomave të Specializuara në Hagë.
