1.
Mos shko aq larg deri në Paris, Amsterdam apo Kopenhagen. Mos u lodh duke kërkuar në Perëndimin e Kontinentit tënd duke shpenzuar kohë dhe energji. Merr një bisturi kirurgu dhe opero e depërto brenda vetes tënde e do shohësh se nëpër vena e damarë qarkullon i lirshëm bashkë me gjakun tënd të kuq edhe Ai, i ziu armik, i ziu Macroni yt.
Sa herë mban rradhë për të votuar pengmarrësit e tu i largohesh Evropës. Sa më shumë militantizëm partiak në kokën tënde, aq herë largohet Evropa nga ty. Kur i jep rryshfet policit, prokurorit dhe gjykatësit për të mbuluar krimin tënd, Evropa të neverit e ftohet me ty. Me ty acarohet jo vetëm natyra por edhe Evropa kur sharron pyllin, gërryen malin, plehëros bregdetin.
Kur Partia fut me mik në punë mësuesin dhe pedagogun injoranca gëzohet por Evropa hidhërohet.
Mos harro se sa herë trashëgimia kulturore kombëtare zëvendësohet me tallava dhe silikon, Evropa mbyll veshët e sytë dhe ulëret. Madje edhe kur ti urren dhe fyen llojin tënd si malok, çam, gollobordas, jevg, homo, karakurvë, Evropa multikulturore dhe multietnike trembet të të pranojë. Sa më shumë toka zapton, sa më tepër ndërtime pa leje bën, ti ia fyen Evropës principet bazë. Evropa adhuron dhe u përulet vlerave intelektuale dhe punëtore ndërsa ti ke idhull gangsterin e lagjes tullac me tatuazhe dhe me makinë BMW X6 ngjyrë qumështi të vjedhur në Evropë.
29 vjet rresht Evropa ka pranuar 2 milionë shqiptarë dhe ka dhënë 19 miliardë euro ndihma por ato ndihma u vodhën nga elita jonë politike.
Madje edhe ti kur vjedh ujin e nuk paguan energjinë elektrike, Evropa çuditet dhe psherëtin. Sa më pak libra botohen e lexohen, sa më shumë shkolla shkatërohen e sa më shumë xhami ndërtohen aq herë rënkon Evropa. Edhe kur nuk lidh rripin e sigurimit në makinë, edhe kur dhunon gruan, edhe kur poshtëron sakatin dhe pensionistin Evropa ndihet e lënduar. Ka kode zakonore, morale, ligjore dhe estetike Evropa ndaj sa herë projekton një rrugë të shtrembër, sa herë arredon shtëpinë si Astirjan, sa herë vishesh si Kurd, sa herë sheh telenovela Turke, sa herë qethesh si Azerbaxhanas, sa herë kurvëron si Bullgare, Evropa fyhet dhe skuqet e tëra…
2.
Mos u lodh kot të sulmosh e të poshtërosh Macronin e Francës. Makroni yt është Edi Rama, Ilir Meta, Sali Berisha, Lulzim Basha, Fatmir Mediu. Macroni yt je ti, jam unë, janë prindërit e tu, motrat dhe vëllezërit e tu janë të gjithë Macronë por të paktën bëj një sakrificë sublime.
Mos i eduko, mos i ushqe dhe mos i rrit fëmijët e tu si Macronë sepse kjo do jetë hataja jonë e pashmangshme!
